KEGIATAN MENUJU YANG BERKUALITAS

GBKP Lau Meciho : Pembinaan PI, Penyuluhen Kesehaten, Pembentukan Kumunitas CUM

Adi menurut statistic i GBKP Lau Meciho jumlah ngawan tercatat sejak tahun 2011 eme  + 150 KK. Persentase jumlah enda eme lebih 50% dari jumlah KK bas desa setempat. Gambaren enda eme hal si umum bas belang-belang klasis Dairi. Data Klasis ngatakenca lit 19 Runggun si umumna berada bas 3 Kecamatan eme Taneh Pinem, Tigalingga ras Gunung Sitember. Nilai kuantitas ngawan GBKP enda eme ulih pendahin marturia GBKP bas awal tahun 1970 hingga 80an. Latar belakang perpulungen pe sangat dinamis. Labo kalak karo saja tapi suku sideban pe jadi anggota, termasuk jadi serayan Tuhan. Mbue denominasi gereja tapi GBKP tetap lebih diprioritasken. Namun penampakan kuantitas statisitk e bas Tritugas panggilan gereja lenga terealisasi. Ibas bahan Klasis Dairi terekam partisipasi ngawan masih kurang ibas harapan. Bahkan lit kesan keuangan i tingkat se-klasis si masih harus isubsidi Moderamen.

Guna meningkatkan kuantitas partisipasi ngawan si berkualitas, khususna ibas pelayanen GBKP Lau Meciho melaksanaken piga-piga kegiatan. Ibas akhir 2013 ilaksanaken kegiatan pembinaan man ngawan perpulungen kerna modul Pengabaran Injil. Kegiaten enda ibabai sekalak ngawanta si genduari tading ipelayanan GBKP Bandung Timur  eme Aksi Karo-karo. Pembinaan enda make modul tim PI Jakarta-Bandung ibas erPI. Pembinaan enda ilaksanaken dung kebaktian minggu. Materi siibereken irespon secara antusias ras iikuti perpulungen seh dung kegiaten. Ibas pembinaan enda teridah perkembangan model erPI ija lit penekanan kepribadian si terpanggil (internal call). Er-Pi labo saja dahin serayan Tuhan saja tapi ibas pelayanan pengurus kategorial, PJJ, kegeluhen sehari-hari ngawan adi engo ipraktekken kekelengen Tuhan Yesus, kita enggo erPI.

Erbage-bage kemajun GBKP ras khususna idaerah pulau Jawa sekitarna icidahken arah dokumentasi kegiatan-kegiatan. La ketadingen piga-piga Film gendek (youtube) itampilken guna menambah wawasan ras motivasi selaku kalak kristen. Ngawan GBKP iarapken semakin mampu berkualitas ibas kuantitas. Si jadi narasumber eme sekertaris Tim PI Klasis Jakarta Bandung ibas kegiatan PI ku Klasis Kabanjahe Tigapanah tahun 2013.Bas minggu tanggal 4 April 2014 ilaksanaken peningkatan kualitas kegeluhen alu Penyuluhen kesehatan. Tim Penyuluhen kanker ras tumor erbahan sosialisasi pengenalan tanda-tanda kanker ras tumor. Bagepe pencegahan ibas pribadi bagepe keluarga.Selain bas runggun Lau Meciho lit 4 runggun eme runggun Rante Besi, Batuerdan, Kutambaru ras Taneh Pinem si ngelaksanakan penyuluhen enda. Ide awal kegiaten ras mendatangken Tim penyuluhen enda rehna arah manager ras anggota CUM Kekekelengen GBKP Taneh Pinem. Hal enda irespon positif runggun-runggun termasuk Lau Meciho.

 

Tema program GBKP 2014 lit istilah KUANTITAS ras KUALITAS. Enda me pengarapen kerna jumlah ras gua kiniteken tep-tep jabu ngawan GBKP. Bagi pemaparen keadaan GBKP Lau Meciho idatas tangkas kerna gambaren statistic sisangat luarbiasa. Kuantitas si jadi anggota membanggaken tapi kualitas bas kiniteken perlu ibereken stimulus. Iarapken tema enda pe njemba perpulungen ku tema tahun 2015 eme Peningkatan, Social, Ekonomi ras Budaya Jemaat.

  Guna sie alternatif sideban eme Credo Union Modifiaksi sebagai geraken diakonia alu komunitas saling percaya. Bas Rg.Lau Meciho mulai tahun 2014 enggo ibentuk CUM Harapan Jaya sebagai perwakilan CUM Sadanioga Dairi. Perwakilan enda beroperasi setiap minggu alu orientasi sekali sebulan minggu pertama i rumah pendeta runggun.

Arah 3 usaha enda iarapken alu bertahap target kuantitas ras kualitas ibas pelayanen gerejanta khususna semakin teridah mehuli. Sinergi aspek spiritulitas (pertendin) Kritus, kesehaten jasmani siberkelanjuten, kepentaren ngaturken  ekonomi (menabung,modal,nampati), sie kerina labo mustahil sebab kita sendiri eme bagin kula ni Kristus. Enda me upaya GBKP Lau Meciho menuju jemaat siberpeningkatan kuantitas siberkualitas. Mari kita kerina siupayaken asa gegeh ras ngasupta gelah tema tahun enda la terjeng tema ras semboyan ngenca. Kekelengen Tuhan Teridah dingen Tergejap.

Pdt.Petros.A.Sitepu, 081370107905/cumsadanioga@yahoo.co.id